Saqisut peqatigiiffiat ajuusaarpoq
ACU-p siulittaasuata periarfissaq iluatsillugu suliumajunnaarnermut pissutaasut, ajornartorsiutit sivisuumik ippigineqartut, Nunatsinni Danmarkimilu politikerinut aaqqiiffigeqqullugit saaffiginnissutigai.
Isumaqatigiinngissutaasut ilagaat ilaasortat utoqqalinersiassaat pillugit aalajangersakkat, timmisartunilu saqisut marloqiusamik akileraartarnerat pillugu Kalaallit Nunaata Danmarkillu isumaqatigiissusiaat, tamannami ACU-mut ilaasortat akileraarutit ilanngaatigereerlugit aningaasarsiaannut sunniuteqarnerluttaqimmat.
ACU-miit Namminersornerullutik Oqartussat, Qallunaallu Naalagaaffiat kaammattorneqarput timisartuni saqisut ajornartorsiutaat eqqumaniarfigeqqullugit aaqqiiffigeqqullugillu, soorlu kalaallit umiartortut marloriaammik akileraartarnerat siornatigut aaqqiiffigineqareersimasoq, ACU-p siulittaasua Anders Mark Jensen taama allappoq.
