Sapiitsuliortoq

Qillaq G. Poulsen, 19-nik ukiulik, Nuussuarmi inissiamik ikuallattumik takunnittuuvoq, ingerlaannarlu inissiamut ikuallattumut iserluni angut 43-nik ukiulik annaappaa.
Allattoq Louise M. Kleemann
oktobarip 10-at 2008 09:48

Angut inissiami ikuallattumi najugalik, inissiamut iseqqinniartoq Qillaq G Poulsen-imit inerterneqarpoq, tupassimanermit paatsiveeruteqqasoq.

Inissiamit anereermat qatserisartut kalerinneqarput, pilertortumillu qatserisartut takkupput. Ikuallanneq pujorlu annertuvoq, Nuussuullu annersaani ikuallattup pujua naamaneqarsinnaalluni.

Naneruut ikumasoq igalaap saaniitinneqartoq ikuallannermik annertuumik pilersitsivoq. Nuussuarmi Nuup ilaani inissiaq ullaaq ikuallammat inissiami najugalik angut 43-inik ukiulik ajoqusinngilaq, tupassimanermillu Dronning Ingridip napparsimaviani uninngatinneqarluni.

Ikuallaneq akunneq ataaseq missiliorlugu Nuummi qatserisartunit qaminniarneqarpoq. Nalunaaqutaq aqqaneq qaangilaraa Nuummi qartsiserisartut Politiillu inissiap ikuallattup eqqaani nakkutilliipput, ikuallattup ikummaseqqinnissaa alaatsinaallugu.

Inissiap ikuallattup eqqaani najugallit inissianut allanut inissinneqarallarput, ikuallannerup kingorna pujorsunni sakkortummat.

Ikuallannerup nalaani Nuummi Nussuarmi aqquserngit angallavigeqqusaajunnaarput, maannakulli angallavineqarsinnaalereerput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq