Sapiitsuliorsimasutut saqqarmiulerpai
Immap naqqani nunarsuup qalipaata killeqarfia, Lomonosov, aqqusaarlugu Qalasersuarmik imartaatalu naqqanik russit piginnittussaanerata uppernarsaaffiginiarneranut suleqataasimasutut russit naalagaaffiat illersorlugu sapiitsuliorsimasunut saqqarmiuliuttakkamik paasisassarsiortut nersornaaserneqarput.
Qalasersuup imaata naqqa nunarsuarmi uuliaqarfiit gasseqarfiillu tamarmik sisamararterutaat nassaassassaasorineqarpoq, taamaammallu USA-p, Canadap Danmarkillu immap naqqa tamanna pilernguppaat.
Canadap USA-llu sorsuutiminnik sikunillu aserorterutiminnik Qalasersuup imartaaniititaqartarnertik annertusaraat, Danmarkip ilisimatuussutsikkut misissuillutik immap naqqata Kalaallit Nunaannut atanera uppernarsarniarsaraat.