Sapaatit akunnerata tungaanut upernarpalaarallaannassaaq
Aporaaffik kissartoq sapaatit akunnerata siuliani sineriak atuarlugu avannamut ingerlaartoq silaannarmillu nerumittumik nunattalu kujataani siallertitsisoq upernarpalaarneranut pissutaavoq. Aporaaffik suli uninngavoq silaannarmillu Nunatsinnut ingerlaartitsilluni, naqitsinertuffeqarneratalu taamaatsikkallaannassavaa.
-Silaannaq sermersuarmeersoq silaannarmik panertumik nassataqarpoq aammalu nuiaqanngimmat sialussaqarani. Unnukkut nillertarsinnaavoq, seqinnileraangalli sila kissattarluni. Qanittumi allannguuteqarnissaa ilimananngilaq. Paarlattuanik Danmarkimi nittaallunilu isseqaaq, Kalaallit Nunaat akisussaaffigalugu silasiortoq Philip Tarning-Andersen knr.gl-imut oqaluttuarpoq.
Poorskikkunni upernarpalaartussaarpasippoq sisorartartunullu nunap annersaani nuannerpallaarnavianngilaq.
