Sap. ak. siulia Nuummi ikiaroornartuernianut pitsaavallaanngilaq

Ikiaroornartumik atuisut Nuummi sumiiffinni assigiinngitsuni nalinginnaasumik pissarsisinnaasarput, sapaatit akunneratali siuliani atuisut pissarsinissaminnut ajornartorsiutinneqarput. Politiimmi suliniuteqarluarnermikkut hanshimik arsaarinnissuteqarsimapput. Hashi katillugu 386 gram arsaarinnissutigineqarpoq.
Allattoq Peter Troelsen, Simon Uldum
maajip 06-at 2013 12:33

Politiit sisamariarlutik suliniuteqarnermikkut hashi 400 grammit missaaniittoq arsaarinnissutigaat. Siullertut, hashi 0,8 grammi Pinerluuteqarsimasunut inissiisarfimmut eqquteriaraluarneqartoq arsaarinnissutigineqarpoq, paarsisulli eqeersimaartut arajutsisitassaasimanngillat. Pisoq taanna politiinut ataasinngormat nalunaarutigineqarpoq. Sisamanngormat arsaarinnissutigineqartoq anginerulaarpoq. Hashi 12,8 grammi aningaasallu amerlanngitsut hashimik tuniniaanermeersorineqartut politiinit arsaarinnissutigineqarput.

Politiillu tallimanngormat iluatsitsilaavissorput. Illoqarfiup qeqqani hashi 13,9 grammi arsaarinnissutigineqarpoq, ullorlu taanna politiit ilisimatinneqarnermikkut aamma ornigussimapput. Tamatumani arsaarinnissutigineqartoq annertuvoq. Politiit illoqarfimmi angerlarsimaffiit ilaanni misissueqqissaarinerminni hashi 357,8 grammi arsaarinnissutigaat. Haship nassaarineqartup saniatigut aamma 15.000 koruunit sinnilaarlugit arsaarinnissutigineqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq