Sanigorsarumasunut

Sanigorsarnermik atuagassiat kiisalu aviisit sap. akunneranut saqqummersartut kusassakkanik neriorsuuteqartarput sukkasuumik sanigorsartoqarsinnaasartoq, nerisat pillugit ataasiakkaanik pilersaarusiornikkut malinnilluaraanni iluatsinneqarsinnaasumik.

Naliginnaasumik sanigorsarnermiit iluatsitsiffiunerusinnaasunik neriorsuuteqartoqartarluni.

Ilisimatuut – ilaatigut København-ip Universitet-ianeersut misissorsimavaat nerisat suunerisa puallariartortoqartarneranut pingaaruteqassusiat kiisalu sanigorsarnissamut periarfissat qanoq ittuusinnaneri ilanngullugit misissorneqarsimallutik.

Uanilu inuit ataasiakkaat nerisartagaasa pilersaarusiorfigisarnissaat pingaaruteqarluinnarpoq taamatut oqarpoq, København-ip Universitet-iani inuiaat nerisaanut tunngasunut institut-imi pisortaasoq; Arne Astrup:

- Nassuerutigisariaqarunarparput nerisassaq aalajangersimaqqissaartoq inunnut tamanut naleqqunnerpaajunngimmat, ataatsimut isigalugu inuit assigiinngitsuuvugut taamaattumillu suulluunniit pisariaqartitavut aamma assigiinngitsuusarput

Inuit ataasiakkaat inuttut sananeqaataat immikkuullarissuusarput taamannallu inuit sananeqaataannik misissuinertigut paasisinnaavarput nerisassaq suna ilinnut naleqqunnerpaajusoq sanigorsarniaruvit ilinnoqqinaaq tunngasoq.