Sanami pisortaq: Angummanniartoqanngilaq
- Erseqqissaatigissavara passunneqartussat passunneqarnissaat unitsinneqanngilaq kinguartinneqaannarpoq, tamatumunngalu aasaanerani peqqissaasussaaleqineq pissutaavoq, tamannalu iluatsiinnarlugu pilattaasarfiup iluarsaannissaa aallartipparput, Søren Rendal oqarpoq. Ukioq manna naappat passunneqarnissaminnut utaqqisut maannamiit amerlanerulersimanissaat naatsorsuutiginngilarput. Akisussaaffini naapertorlugu isumaginnilluarsimanersoq aperigatsinni, Søren Rendal oqarpoq, nammineq eqqasuutissaqarani, passunneqartariaqavissummi ingerlaannaq passunneqarsinaammata. Apereqqipparpulli inuit seeqqulullutik, ikusilullutik, siffialullutilluunniit sulisinnaanngitsut utaqqereernermik saniatigut aamma suli utaqqeqqinnissaat, sulinngiffeqartariaqarnissaallu eqqarsaatigalugit, imminut illersorsinnaanersoq, Søren Rendal oqarpoq pissutsit sivisuumik taamaassimasut taamaaginnarallassagunartullu.
Dronning Ingridip napparsimavissuani pisortaq, Søren Rendal, taama oqarpoq.
SANA-mi nakorsaaneq, Birgitte Asmin Schurizek Radioaviisimut ippassaq oqarpoq, passuttariaqavissut kisimik maanna passunneqartartut. Ullumikkut pissutsit naapertorlugit seqqumikkut siffissamikkulluunnit passunneqarnissaminut ukioq ataaseq tikillugu utaqqisartut. Nassuerutigalugulu katsorsarneqarnissaminnut utaqqisut suli amerliartornerat.
