Assi: Else Olsvig, Tusagassiivik

Sanaartorujussuarneq akisunaarneqarlunilu kinguaattoorutaasinnaasoq

Sanaartornermi suliniutit annertuut suliniutinut allanut akunnattoortitsisinnaapput akisunaarneqarsinnaallutillu. Naalagaaffiup aningaasaateqarfiussuata nunatta aningaasaqarnera misissuiffigereerlugulu mianersoqqusivoq.

Mittarfiliornerit, Nuummi illoqarfiup allinissaanut suliniut suliniutillu allat annikinnerit ataatsikkut sanaartorfiussappata sulisussaaleqisoqalersinnaasoq Naalagaaffiup aningaaserivissuani siunnersorti oqarpoq.

- Sanasut amerlanerit pisariaqartinneqalissapput. Nuunnermullu atatillugu aningaasarsiarisimasanit amerlanerusunik piumasaqarsinnaallutik, Anders Møller Christensen oqarpoq.

Sanaartornissap akisunerulersinnaaneranik tamanna kinguneqaratarsinnaasoq aamma oqaatigaa.

AAMMA ATUARUK Naalagaaffiup aningaaserivissuata nunatta aningaasaqarnera ernumanartoqartikkaa

Sulisoqarnerup akisunerulernissaanut mianersoqqusineq Sulisitsisut kattuffianni GE-mi sanaartornermut ataatsimiititaliami siulittaasup Preben Kold Larsenip isumaqatiginngilaa.

Mittarfiliornerit Siorarsiorfillu ataatsikkut sanaartorfinngussappata sanasunik amerlanerusunik pisariaqartitsisoqalernissaa isumaqataaffigaa.

Pisariaqartitsinerlu annertuallaalerpat sanaartukkat piareerniarnissaat ajornakusuulissaaq, sanasummi sulisinnaasut amigalissammata.

AAMMA ATUARUK GE: Sanaartorneq pitsaanerusumik pilersaarusiorneqartariaqarpoq

- Sulisoqarniarnikkut akunnattoortoqassappat sanaartorneq kinguaattoorsinnaavoq, Preben Kold Larsen oqarpoq.

Sanasussaaleqisoqalissagaluarpat nunanit allaneersunit sanaartornermi suleqataasinnaasunik sulisussarsiortoqassappat akimmisaarfiusinnaasut politikkerinit eqqumaffiginiaqqullugit kaammattuutigaa.

- Sanasunik naammattunik sulisussaqarpat sanaartukkat kinguaattoornissaat pinngitsoortinneqarsinnaavoq akissarsianullu aningaasartuutikinnerusoqarsinnaalluni, Preben Kold Larsen KNR-imut oqarpoq.

AAMMA ATUARUK GE og SIK: Vi skal bruge bedre tal for arbejdsløse

Sulisitsisut peqatigiiffiata SIK-llu illoqarfiit ilaanni suliffeqanngitsutut nalunaarsorsimasut sulisinnaanngitsunik peqartoq januarimi oqariartuutigaat. Taakku Nuummi, Paamiuni, Maniitsumilu nalunaarsorsimasut GE-p misissuinermini paasivaa.

Sanaartornissamullu suliniutit annertuut eqqarsaatigalugit Siorarsiorfiup suliutiginera pilersaarutaagaluartumit tuaviuunneqanngitsumik sanaartorfigineqarnissaa Preben Kold Larsenip ajunngitsortaqarnerarpaa. Sanaartornerimmi ataatsikkut ingerlanneqartussaagaluit taamaaliornikkut pinngitsoortinneqarmat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat