Sanaartormut aningaasaliissutit pillugit isornartorsiuineq IA-mit illuatungilerneqarpoq
- Qinerseqqinnissamik isuma attanneqarsinnaanngilaq, inuiaqatigiinnit qaammatit tallimat matuma siornatigut piginnaatitsissummik tunineqarnerput ineriartortitsinermut atussavarput. Qularnanngitsumik suliarujussuaq siunitsinniippoq, inuiaqatigiilluta tamattaalluta kivissavarput. Taamaattumik pingaarutilinnik siunertalinnillu aalajangiisariaqarnerput tunngaviuvoq, Juliane Henningsen oqarpoq.
Siumut Maniitsoq isumaqarpoq illoqarfinni arlalinni ineriartorneq unitsinneqalersoq:
- Piviusoq tassaavoq sanaartorniakkat tamarmik nalilersoqqissaarneqarmata, tamannalu kommunit peqatigalugit tamatta kivitassaraarput, namminneq sanaartornikkut tulleriiarinermikkut kissaataat aallaavigalugit, Juliane Henningsen oqarpoq.