SANA-mi nakorsartittut immikkoortortaqarfiat ulikkaaqqajuarpoq

Dronning Ingrid-ip napparsimmavissuani nakorsartittunut immikkoortortaqarfik ulikkaaqqajuaannarpoq, nakorsartillutik naammassereeraluit najugaqarfigisaminni sullissisussaqanngimmata. Immikkoortartaqarfimmi sulisut ulapinnerannik, taarseraannerujussuannik soraartoqakulanerannillu kinguneqartartoq, Dronning Ingridip napparsimavissuani peqqissaasut pisortaat Maybritt Andersen oqarpoq.

-Kisitsisit qimerlooraangaatsigit tassani takusinnaasarparput nakorsartittut immikkoortortaqarfimmi uninngasarneq sivitsoriartortoq, taannalu patsiseqarpoq napparsimasut, utoqqaat aanaartoorsimasut imaluunniit innarluuteqalersimasut allatigut, angerlarsimaffimminnut uteqqissinnaanngitsut utaqqisariaqartarnerat sivisuumik, kommuniminni piginnaanngorsaqqiffimmik periarfissaqanngimmat.

Tamatuma kingunerisarpaa nakorsartittut immikkoortortaqarfiata ulikkaartooqqarujussuarneranik sulisullu ulapinnerujussuannik, MayBritt Andersen oqarpoq. Pinartunik suliarineqarariaqartartut soorlu uummallut pualluttut meeqqallu napparsimasut, mikkoortortaqarfimmut unitsinneqartariaqartartut tassaapput aamma ulikkaartoorutaasartut.

Maybritt Andersen ilanngullugu oqarpoq, immikkoortortaqarfimmi ajornartorsiut qaangerniarlugu iliuusissanik ujartuisoqartoq, ilaatigut piginnaanngorsaqqiffimmik (rehabiliteringscenterimik) immikkoortortaqarfimmik sinerissamiluunniit pilersitsineq nakorsallu sinerissamut angalatinneqartalernissaat siunnersuutigineqarlutik.