Samuelsen Korea avannarleq pillugu ataatsimiinnermut peqataalersoq
Tamanna pisussanngorpoq, canadamiut amerikamiullu nunanut allanut tunngasunut ministeriisa
nunat 20-t akornanni ataatsimiigiarnissaannik aggeqqusereersullu.
Danmark ataatsimiinnermi peqataassaaq. Korea kujallermimi Naalagaaffiit Peqatigiit programmianni tassa Korea kujalliup avannarliullu akornanni akiuukkunnaarallarnissaannut alaatsinaannermut ilaareermat.
Korea Avannarliup ukiuni kingullerni qaartartunik atomitalinnik misileraasarnini sakkortusiartortippaa, Korea avannarlermilu naalagaaffiup tusagassiisarfiata nalunaarutigaa, Korea Avannarliup USA-p ilaanut eqquisinnaasunik missiiliuteqarluartoq.
Vancouverimi nunat ataatsimeersualerpata naalagaaffimmut Korea Avannarlermut pillaatitut iliuusaasinnaasunik eqqartuisoqassasoq danskit nunanut allanut tungasunut ministeriat Anders Samuelsen oqarpoq.
