Salluliuutit imaaginnavissimapput
Ullumikkut ulloq tassaavoq apriilip aallaqqaataa, Danmarkimilu aviisit salluliuutinik ulikkaarput.
FC Københavnimi siulersuisuni siulittaasoq Flemming Østergaard Socialdemokratit sinnerlugit Folketingimut qinigassanngortinnialersartoq, Ekstra Bladet-ip saqqaani atuarneqarsinnaavoq.
Ritzau aviisinit ullormut saqqummersartunit pigineqartoq, tusagassiuutinillu atorneqartorujussuusoq, allappoq Bornholmimi Aakirkeby-mi umiarsualivimmi ikuallattoqartoq. Tamannali ilumuunngilaq. Aakirkeby Bornholmip qeqqata missaaniippoq, Bornholmip sineriaaniinnani.
Christiania 1 milliardi koruunileriarlugu Danmarkimi innuttanut tunniunniarlugu USA-p vicepræsidenterisimasaa Al Gore pilersaaruteqartoq, Christianiami tusagassiuutit allassimapput.