Saliilluartut inimut akiliissanngillat
Ulf Abrahamsen kiffartuussinermut A/S INI-mi pisortaavoq, suliniummillu isumassarsisuulluni. Ukiut aqqanillit Danmarkimi najugaqareerluni Nuummut 2008-mi uterami ukiut tamaasa saliisitsisarnissamik isumassarsivoq.
Saliisitsinersuaq siulleq 2009-mi pivoq, Ulf Abrahamsenilu isumaqarpoq taama aaqqissuussisarneq ukiut tamaasa pitsanngoriartuinnartoq.
Ilulissani, Aasianni, Sisimiuni, Kangerlussuarmi, Maniitsumi, Nuummi Qaqortumilu ukioq-manna taama aqqissuussisoqarpoq.
Nuuk eqqarsaatigalugu saliineq seqinnarissuugaa kiaqisorlu pivoq, Ulf Abrahamsenillu nuummiut nersualaarpai eqqiliuisaarneq ilikkariartuinnarmassuk.
Nuummi Narsarsuarmi inissiami najugalik Nuka Nikolajsen ajugaavoq, puussiarsuit qernertut katillugit 20-t katersoramigit.
Peqataasut Saliineq 2012-mi pinnatsinneqarput. Nuka Nikolajsenilu ineqarnermut akiliummik eqqugaqarpoq, aningaasallu ineqarnermut qaammat ataaseq akiliutissaraluatik feeriarnermut atorniarpaat.