Sakkutuut sisamat toqutaareersullu killiliinialerput

Sakkutuut sisamat toqutaasimasut timaat Roma-mut ippassaq oqqunneqareersullu taamaaliornialersaalerput.

Sakkutuut sisamat Afghanistanip kippasinnerusortaanni biilimik ingerlaartut Talebanit toquppaat. Sakkutuut timaat ippassaq oqqunneqarmata ilaqutaasut aliasullutik kamannertik Italiap naalakkersuisuinut saatippaat. Politikerit ilerrit nuannaarutigisariaqaraat ilaat nilliavoq.

Sakkutuut ullumi ilineqalerpata ilisineq Italiami tv-kkut toqqaannartumik isiginnaarneqarsinnaassaaq. Italiamiut sakkutuui 3.000-inik sinneqartut Afghanistanimiisinneqartut angerlartinneqarnissaat illuatungiliuttut pisoq iluatsillugu piumasarilerpaat.

Italiap nunanut allanut ministeria aviisimi apersorneqarluni piumasaqaatigineqartoq soorluuna akueriinnangajakkaa. Sakkutuunngooq angerlarartinneqarneri 2011-imi aallartinneqarsinnaavoq tamarmillu 2014-imi angerlartinneqareersimasinnaallutik.

Italiap ministerpræsidentia, Silvio Berlusconi, Afghanistanimi sorsunneq aallartimmalli USA-p illersortaasa aalajaannerit ilagivaat, Italiamiullu Europamiunut allanut sanilliullutik annerpaamik tapersersuisuupput.

Sakkutuulli 34-it 2004-miit maannamut toqutaasut pillugit inuit, qulannanngitsumillu maanna naalakkersuisut, isumaannik allanngortitsinialerunarpoq.