Sakkutuut imarsiortut qulimiguujutai qulloorput
Qulimiguullit sinneri kaavittumikkut qulloorneqalernissaat pinaveersaarniarlugu illersornissamut qullersaqarfik suliniuteqarpoq.
Sakkutuut imarsiortut qullersaqarfiata qulimiguujutai sisamat Kalaallit Nunaata Savalimmiullu imartaani sakkutuut nakkutilliineranni atorneqartarput.
Qulimiguullit pingasut timmeqqusaanngillat, ataaseq akulikitsunik mississorneqartassalluni. Sakkutuut imarsiortut qullersaqarfiani qulimiguullit immikkoortuani, orlogskaptajn Martin Thorup ilisimatitsivoq.
Qulimiguullit kaavittuini qulloorneqalersimaneq qanittumi paasineqarpoq, misissuisoqarneratalu kingorna qulimiguullit pingasut aamma kaavittuminni qulloorneqalersimasut paasineqarluni.
Qulimiguullit kaavittuisa qullorneqalertarnerat akulikitsumik naammaattoorneqartarpoq, tamatuma kingunerisaannik qulimiguullit timmeqqusaajunnaartarlutik.
- Ukiuni arlaqartuni piffissani sivikitsuni qulimiguullit sisamat atorsinnaasimavagut, Martin Thorup oqarpoq, nangillunilu:
- Qulimiguullit kaavittui piaartumik misissortippagut iluarsaatitillugillu naatsorsuutigaarpullu qaammatini marlunni pingasuniluunniit suliarineqassasut.
