Savalimmiuni sakkutuut nakkutilliivianni radareqarfimmi Mørkedal-imi sulisut, affaannanngortinneqalerput. Sulisut 51-it akornanni 24-iinnaat nakkutilliivimmi sulilissapput, sinnerilu soraarsinneqanngikkunik suliffinnut allanut nuutinneqassapput.
- Sorsunnersuup nillertup nalaanisulli sillimaniarnissaq pisariaqarunnaarsimavoq, taamaammaat radareqarfik Mørkedalimiittoq pisariaarussimalluni, Savalimmiuni sakkutooqarfimmi pisortaq Eli Lyngvej Larsen ritzau-imut taama oqarpoq.
Atlantikoq qulaallugu timmisartumik angallannermik nakkutiginnittussatut, Mørkedalimi sakkutooqarfik 1950-ikkunni pilersinneqarsimasoq, maannakkut sakkutuut timmisartuinit attaveqarfittut atorneqalissaaq. Taassuma saniatigut aalisarnermik nakkutilliineq sakkutooqarfiup aamma isumagisassavaa.