Sakkutuut helikopterii mekanikerissaarupput
Helikopterini arfineq pingasunni helikopterit pingasuinnaat timmisinnaapput taakkunanilu marluk Kalaallit Nunaanni Savalimmiunilu umiarsuarni alapernaarsuutini timmisartutut atorneqarlutik. Taamaalilluni sakkutuut sungiusarsinnaanerat killilersorneqarujussuartoq sakkutuut naalagaat Per B. Olsen oqarpoq. Timmisartut piareersarnissaannut ajornartorsiut aallaaveqarpoq danskit inatsisartui naalakkerusuisullu illersornissamut 2004-imi isumaqatigiissuteqarmata, ilaatigullu isumaqatigissutaalluni Sjællandimi mittarfimmik atorunnaarsitsineq, Værløsemi Sjællandimiittumi atorunnaarsitsineq tunngavigalugu Jyllandimi Karup-imi iluarsaassineq kisimi ingerlanneqalerpoq.