Sakkutuut atugarliorput
Sakkutuut danskit ilarpassui Irakimi sakkutuujoreerlutik uteraangamik tarnimikkut napparsimalersartut.
Sakkutuut danskiusut holdit sisamat siulliit Irakimeereerlutik angerlartut misissuivigineqarmata, misissuivigineqartut 8 procentiisa oqaluttuaraat, Irakimiit uteramik suut ajornartorsiutigisimagitik, ilaat sininneq ajulersarsimapput, ilaat kamaqalersarlutik, nikallungasalersarput ilaasalu kisimiinnissartik immaqa kissaatiginerusarlugu.
Danskit sakkutuui nunani sorsuffiusuniissimasut allat suli aamma misissuivigineqartarnerat Sakkutuut tarninginut tunngassutilinnut Illersornissamut Ilinniarfiup suli ingerlateqqinniarpaa.
Sakkutuut angerlareeraangata ukiup affaa qaangiuttorlu immersugassaannik nassinneqartarput, misigisimasatik misigissutsitillu tassani ilaatigut akissuteqarfigisarpaat.
Sakkutuut sorsuffimmeereerlutik tarnimikkut napparsimallutik allassimappata Ilinniarfiup attaveqarfigisarpai.
Sakkutuut nunani sorsuffimmeereerlutik angerlareersut tamarmik 7 procentit 8 procentillu akornanniittut 1998-miit manna tikillugu tarnimikkut eqqarsartaatsimikkulluunniit ajornartorsiuteqalersimapput.
