Sakkutuut angerlarsinnaanngulerput
Danskit sakkutuui Irakimiittut sakkutooqatiminnik arfininngormat annaasaqareernermi kingorna Danmarkimut angerlarallarsinnaalerput.
- Sapaatip akunnerata kingulliup naanerani pisut peqqutigalugit sakkutuut qullersaqarfiat isumaqatigalugu timmisartortartut Irakimiittut allanik taarserlugit angerlartinneqarallassapput. Sakkutuut parlattaasussat qanittukkut Irakiliartinneqarnissaat naatsorsuutigineqarpoq. Taamaalilluni danskit nunanut allanut ministereqarfiata Irakip kujasinnerusortaani aaqqissuusseqqinnissaminnik pilersaarutaat ingerlaannarsinnaassasoq, sakkutuut qullersaqarfiani timmisartornermik pilersaarusiortarfiup nittartagaani allassimavoq.
Danskit sakkutuui timmisartortartut arfininngormat qaartartumeeriffigineqarmata arfineq-pingasut ikilerneqarput.