Sakkutuut alapernaarsuutaat nutaaq Ejnar Mikkelsenimik ateqarpoq

Umiarsuaq alapernaarsuutip KNUD RASMUSSEN-ip assigaa, suliassaanullu ilaapput nakkutiginninneq, Atlantikullu avannarpasissuani aalisarnermik nakkutilliineq immamilu annaassiniarneq.

Alapernaarsuutip timitaa Polenimi sanaajuvoq, kingorna Skagenimut kalinneqarpoq, Inatsisartullu siulittaasuata, Ruth Heilmannip, ilisimasassarsiortartoq Ejnar Mikkelsen alapernaarsuummut kingullermut atsiuppaa. Illersornissamut qullersaqarfiup nittartagaani tamanna atuarneqarsinnaavoq.

Alapernaarsuutip Kalaallit Nunaannut qanimut attuumassuteqarnera ilisarnaataani eqqornaveeqqutaasami takuneqarsinnaavoq, taannami aappaluttuullunilu qaqortuuvoq, kalaallit erfalasuattuut, aamma umimmak ilisarnaataavoq, tassani ersersinniarneqarluni Ejnar Mikkelsenip Illoqqortoormiunut sunniutigisimasai, Tunumilu inspektøritut sulisimanera.

Amutsiviup EJNAR MIKKELSEN novembarip naalernerani tunniutissavaa, alapernaarsuullu misiligarneqassaaq, Atlantikullu avannarpasissuani aappaagu februaarimi alapernaarsuilissaaq.