Sakkutuut akornanni aaqqiagiinnginnerit ajornartorsiutaapput
Aaqqiagiinnginnerit sorsunnertut ilillutik annertusippata Afghanistanimi inuiaqatigiit ullumikkorninngarnit suli allanngorarnerulissapput. Tamanna sakkutuut nunanit tamalaaneersut tunuartitilernissaannut ulorianartorsiortitsivoq.
Afghanistanimi nunanit allanit kingoqqisut tadjikerit sakkutuunut siulersortaasunik naalagaannillu nunanit allamiunit kingoqqisunik oqalorujuussisarput.
Suleqatigiinni European Council of Foreign Relationsimi isumannaatsuunissamut immikkut ilisimasalik Daniel Korzky ima nassuiaavoq:
- Aaqqiagiinnginnerni taakkunani pineqartoq tassaavoq Afghanistanimi sakkutooqarnerup qanoq ilusilersorneqarnissaa, kikkut aqussagaat kikkullu nakkutigissagaat pillugit aaqqiagiinnginnerit.
Tassami Afghanistanimi tadjikerit nunanit allanit kingoqqisuninngarnit amerlanerujussuupput, tamanna nalunaarusiami suleqatigiissitap ataqqisaasup International Crises Groupip suliaani takuneqarsinnaavoq.
- Naalagaaffimmut pikkorissuseqanngikkaanni ilumoortuunngikkaannilu taava nunanit tamalaaneersut pigiinnarnissaat Afghanistanimut ajornarluinnassaaq, Daniel Korzky oqarpoq.
Kisiannili Afghanistanimi sakkutuut piorsarneqarnerat tassarpiaavoq USA-p periaasia. Præsident Obamap sakkutuumi aappaagumiit uterartinnissaat kissaatigaa nunallu isumannaatsuunissaa Afghanistanimiut sakkutuuinut suliassanngortillugu.
