Sakkutuut Afghanistanimiiginnassapput
Tassami Danmarkip Afghanistanimi sakkutooqartitsinini ingerlatiinnarniarpaa, naak maannamut qallunaat sakkutuui 22-t tamaani toqutaareeraluartut.
- Ataasiinnarluunniit toqutaagaangat, toqutaasut amerlavallaartarput. Kisianni Talibanit saassussisullu tunniutiinnartassagutta Talibanit ajugaassaapput, ministeriuneq oqarpoq.
Piffissami kingullermi qallunaat sakkutuuinik pingasunik toqutaasoqarnerata kinguneranik, qallunaat sakkutuuisa atortui isornartorsiorneqaqqipput. Taamatut isornartorsiuineq ministeriunerup tunuartippaa oqarluni:
- Qallunaat sakkutuui Afghanistanimiittut, sakkutuunit Afghanistanimiittunit tamanit ilinniarluarsimanerpaallutillu atortorissaarnerpaapput, Fogh oqarpoq.