Sakkutuut Afghanistanimi toqutaasut

Sakkutuut ullaaq nunaannarmut eqqissisimasumik alapernaarsuitillugit, danskit sakkutuuisa marluk inuunertik annaavaat. Sorsuutiminnit anillallutik inunnik oqaloqateqaleruttortut Talebaninit qaartartunik nunamut matoorussisimasunit pakasarneqarput. Siulleq qaartoortoqarneratigut eqqorneqarpoq, kammalaataatalu ikiorniarlugu tikikkaalu, qaartartoq nunamut matoorunneqarsimasoq aamma qaarpoq.

Sakkutuup aappaa qaartoorfiusumi toqutaavoq aappaalu sakkutooqarfiliaanneqartilluni qulimiguulimmi anerningerluni.

Afghanistanimi danskit sakkutuui maannamut 19-it inuunerminnik annaasaqareerput.

Kunngissaq Frederik danskillu illersornissamut ministeriat Søren Gade Afghanistanimut ippassaani tikeraaqqammerput. Sakkutuullu toqutaasut 22-nik 29-nillu ukioqartut ilaatigut oqaloqatigalugit, aviisi BT taama allaaserisaqarpoq.