Sakkutuut toqungasut timaat ikuallariarlugit Somaliap illoqarfiisa pingaarnersaanni, Mogadishumi, illoqarfiup aqqusernisigut pikitsitsisunit ullumi uniarneqarsimapput. Isigisat avaanngunarsimaqaat, taamanikkullu amerikamiullu sakkutuui ukiut 15-it matuma siornatigut Somaliamit qimaatitaanerannut pisoq pisimasunik qaffakaatitseqqilersutut ilivoq.
Assilisat, Mogadishumeersut ullumi nassiunneqartut takutippaat, sakkutooq kukullugu ikuallanneqartoq.
Somaliap illoqarfiisa pingaarnersaani sorsuffioqisumi taamaaliornermut suna pissutaanersoq paasiniarlugu oqaluttuarsinnaasunik nassaarniarneq ajornakusooqaaq.
Tuluilli ilanngutassiortuata BBC-meersup nalunaarutigaa, Somaliamiut Etiopiamiullu sakkutuui qaanngitsiarnerani illorpassuaqarfimmut isaasimasut.
Illorpassuaqarfik isaaffiusoq pikitsitsinianit islamissiortunit angerlarsimaffigineqartutut isigisaavoq, kinguninngualu akersuunnerit sakkortuut aallartissimapput.
FN-p eqqoriaanera malillugu, februar-imiilli qernertormiut 40.000-t Mogadishu-miit qimaatinneqarsimapput.