Sakkutooqarfiusimasuni saliginissat aallartilerput
Sakkutooqarfiusimasuni marlunni Ikkatimi Tasiilap eqqaaniittumi aamma Marrarmi Nuup kujataaniittumi saliginissaat aallartissapput.
Kommuneqarfik Sermersooq saliginissanut siullernut marlunnut saligisitsisuussaaq taakkualu suliarisuliariumannittussarsiuunneqaqqammerput.
Taamatut saliinerup siunertaraa eqqakkanik saliinissaq iluatsillugulu qanoq mingutsitsisoqarsimatiginersoq misissussallugu, mittarfeqarfiusimasut salillugit aallartivinneqannginnerini.
Taama oqaluttuarpoq Naalakkersuisut Siulittaasuat Kim Kielsen (S) tusagassiuutinut nalunaarummi.
- Sumiiffinni marlunni suliaqartoqarnerani aamma avatangiisinik misissuisoqassaaq, sumi sukumiisumik avatangiisinik misissuisoqassanersoq aqutsisoqatigiit isummerfiginiassammassuk. Sakkutooqarfikuni qanoq mingutsitsisoqarsimatiginersoq paasisariaqarparput. Paasissutissat taakku pingaaruteqarput, saliilluartoqarnissaa anguniarlugu, Naalakkersuisut Siulittaasuat tusagassiuutinut nalunaarummi taama oqarpoq.
Siorna jannuaarimi Naalakkersuisut Siulittaasuat Kim Kielsen aamma Danmarkimi Avatangiisinut Inuussutissanullu Ministeriusimasoq Esben Lunde Larsen isumaqatigiissuteqarput Kalaallit Nunaanni Amerikamiut qimaannagaannik saliinissamut tunngasumik.
Isumaqatigiissuteqarnermi Danmarkip 180 millioner koruunit immikkoortippai ukiullu arfinillit ingerlaneranni amerikamiut sakkutooqarfikuinik salinnissamut atorneqassallutik.