Sakkortusaavik iluarsineqarpoq

Pingasoriarluni ippassaani misiliigaluarnerit kingorna, sakkortusaaveqarfik Nanortallip avannaani qaqqap qaavaniittoq TREF,  TELE-POST-ip sulisuisa ippassaq marlunngornermi miffigisinnaanngorsimavaat.
 
Misissuiartorneq piffissaq kingulleq atorlugu pivoq, tassami batteriissamaataasoq sarfaarunnissaminut nalunaaquttap akunneranik ataasiinnarmik atorsinnaalersorlu tikinneqarmat, sarfaarussimagaluarpammi sakkortusaavimmut attaveerussimassagaluarpoq taamalu Nanortalimmut tassanngaanniillu kujammut attaveqartoqarsinnaajunnaarsimassagaluarluni.

Sakkortusaavimmi TREF-imi innaallagissamik ajornartorsiuteqarnermut batteriinut sarfaliuut atorsinnaajunnaarsimasoq pissutaavoq. Taamaammat batteriit pisarnertut immersinnaajunnaarsimapput.

Ajoqutaasoq ippassaq aaqqinneqarpoq, sakkortusaavillu pissusissamisut ingerlaqqilerluni.