Sakiminit politiinut nalunaarutigineqarpoq
Politinut nalunaarutiginnittuuvoq Henriette Kjærip uiata arnaa.
Erik Skov Pedersenip arnaa, nakorsaq soraarneq 72-inik ukiulik, Yvonne Gerda Pedersen, eqqartuussissuserisumit Århusimeersumit januaarip ulluisa sisamaanni allagarsivoq 221.000,00 koruuninik akiitsoqarnerarlugu.
Yvonne Gerda Pedersen qularnaveeqqusiissummik 2005-imi atsiugaqarsimavoq, taamanikkut aningaasanik atortut, tassalu ernini nulialu, aningaasanik atukkaminnik piffissaq eqqorlugu taarsisimannginnerat pillugu Yvonne Gerda Pedersen allagarsisimalluni.
Akiligassaqarnini pillugu nalunaarut Nordsjællandip politivinut suliassanngorlugu ippassaq tunnniukkaa, aviisimi B.T-mi allaaserineqarpoq.
Aningaasat taakkua atorniartoqarsimaneranilluunniit tusaqarsimanngisaannarpunga.
Aningaasanik atorniarnermi qularnaveeqqusisssummik atsiugaqarnikuunngilanga, qulakkeerlugu taama oqarsinnaavunga. Uppernarsaatitut atsiugaq uanga atsiornikuunngilara, atera atorlugu atsiortoqarsimavoq, taamaaliorsimasullu taassaasimassapput ernera imalunniit taassuma inooqataa, tassalu Henriette Kjær, allat taamaaliorsinnaanerat ilimanaginngilara.
Erik Skov Pedersenip anaanaminit taamatut unnerluutigineqarnini tunuartippaa.
Aningaasat aningaaserivimmi BG Bank-imi Gentoftemiittumi ukioq 2005 taarsigassarsiaraakka, taamanilu anaanaga najuuppoq, qularnaveeqqummillu atsiorluni, Erik Skov Pedersen oqarpoq.
