Sajuppillatsitsisarluni misissuinerit qilalukkat toqqutigineq ajorpaat

Sajuppillatitsilluni uuliaqarneranik Baffin-ip kangerliumarngani 2009-imi 2010-milu misissuisoqarmat, qilalukkat 200-it toqusimasut danskit aviisiini ippassaq allaaserisaq uppernarsineqarsinnaanngilaq. Pinngortitaleriffimmi ilisimatooq Ole Geertz-Hansen taama oqarpoq. Taamaatttoqarsimasinnaanerali aamma Pinngortiotaleriffiup akerlilinngilaa.
Allattoq Jaaku Lyberth
aggustip 20-at 2013 09:27

- Allaaseriserineqartut tassaavoq, marloriarluni sassaqarsisoq, qilakkukkallu anersaartortarfiisa ammalattat qerrunnerisigut qilalukkat ipisimasut. Taama pisoqarpoq, sajuppillatitsilluni sukumiisumik misissuisoqareersorlu. Taakkuali imminnut attuumassuteqarnersut uppernarsineqarnikuunngilaq, ilisimatooq Ole Geertz-Hansen oqarpoq,

Baffin-illi kangerliumarngani sajupillatitsilluni misissuinerit annertuut qilalukkat 2009-imi 2010-milu toqunerannut pissutaanginnerarneqarsinnaangitsut,

Pinngortitalerimmiit ilisimatuutut allaaserisami aamma allapput.

- Attuumassutaali unaasinnaavoq, Qilalukkat tatamisinneqarsimasut kujammulluunniit ingerlaarfissaminni akornuserneqarsinnaasut imaluunniit  kujavarternissaat kingusinaartineqarsimasoq sikkusaatillugit, Ole Geertz-Hansen oqarpoq nangullunilu.

- Sassaqartarnerali aamma nalinginnaavoq, ukiunilu hundredelikaani taamaappoq. Ukiunilu 2009-mi aamma 2010-mi avannarpasinnerusumi sassaqarpoq, tamannali sajuppillatsitsilluni misissuinernut attuumassuteqarnersoq uppernarsineqanngilaq, Ole Geertz-Hansen qoarpoq.

Qilalukkalli sajuppillatsitsilluni misissuinerinnarnit toqusinnaanersut taasuma qularaa.

- Sajuppillatitsissutit immap naqqanut igeriunneqarnerini qilalukkat siutaat ajoquserneqarsinnaapput toquttigisinnaanavianngilaalli, Ole Geertz-Hansen oqarpoq.

Baffin-ip kangerliumarngani 2012-imi sajullippatsitsilluni misissuisuinerit annertunerpaasut, ilisimatooq naliliivoq, ukiarli taanna sassaqanngitsoq aamma oqarpoq.

Tassalu arlaannaannulluunniit uppernarsineqanngilaq. Kisianni Kalaallit Nunaata Canada-llu akornanni sajuppillatitsilluni misissuinerit 1 oktober unitsinneqartartussaapput.

- Taamaaligaangallu qilalukkat kujammut ingerlaalereertarput, Ole Geertz-Hansen oqarpoq. 

Taassumi eqqaasitsissutigaa, uuliasiortitseqatigiiffiup Shellip misissuiffissami Pitu-mi sajupillatitsilluni maannakkut misissuinera siorna misissuinernit annikunnerusoq.

- Qilleriffiusinnaasunik misissuilluni misissuiffigineqartoq annikitsuuvoq, siornatigornillu nipiliorfiunnginnerulluniluni, Pinngortitaleriffimmi ilisimatooq Ole Geertz-Hansen oqarpoq.

Sajuppillatitsilluni misissuisoqanerani qilalukkat ukioq ataaseq allortarlugu kisinneqartassasut, Pinngortitaleriffimmiit kissaatigaat, taakkununngali aningaasanik suli immikoortitisoqarsimanngilaq.

Aamma atuaruk