Irakip kisermaassilluni naalakkersuisorisimasaanik Saddam Husseinimik Irakip illoqarfiisa pingaarnersaanni Bagdadimi eqqartuussineq ullumikkut nanginneqarpoq.
Ullumi eqqartuussinermi Saddam kisermaassillunilu naalakkersuinermi nalaani ikiortigisimasai arfineq marluusut inuiaqatigiinnik kurderinik 182.000-inik toqutsisimasutut unnerluutigineqarput.
Saddamip kurderinik toqoraasitsimaneranut ilisimannittut kurderit arlalissuit oqaluttuartinneqarput, oqaluttuarineqarpoq Saddamip 1988-imi kurderinut sorsunnerata nalaani, nunaqarfiit qaartartunik gassimillu toqunartumik sakkoqarluni qanoq saassunneqarsimanerat. Aamma oqaluttuarineqarpoq parnaarussanik tusindtilikkaanik toqoraasarsimanerit.
Saddam kurderinik 182.000-inik toqoraasimanermut pisuunnginnerarpoq, oqarpoq 1988-mi pisimasoq kurderinut pikitsitsinianut toqoraanerunani sorsunnerusimasoq.