Saattuartassanik qinnuteqaassussipput

Naalakkersuisut akuersisuuppata Paamiuni,Nuummi, Sisimiuni Qeqertarsuullu Tunuani assagiarsunniartut pisassaminnik nunguutsisimasut immikkut pisassinneqaqqinnermikkut suli aningaasarsioqqissinnalissagaluarput.

-Paamiuni, Nuummi, Sisimiuni Qeqertarsuullu tunuani sinerissap qanittuani assagiarsunniat pisassatik nungoreermatigit, immikkut pisassiissutissanik Naalakkersuisunut qinnuteqaqqipugut, KNAPK –p siulittaasua Peter Olsen oqarpoq.

Naalakkersuisut aqagut ataatsimiittussaapput. – Neriuppunga immikkut assigiarsuttassiisoqarnissaanik qinnuteqaaterput oqaluuserissagaat, Peter Olsen nangilluni oqarpoq.

Pamiut Nuullu assagiarsuttassatik 1.718 tons-usut nungoreerpaat, taamaattumik qavaatigut immikkutr 400 tons –it KNAPK –p qinnutigai. Sisimiormiut pisassatik 700- -usut nunguppaat 200 tonsinillu qaavatigut pinissaa qinnutigineqarluni kiisalu Qeqertarsuup tunuani assagiarsunniartut 400 tonsinik peqqissagaluarput Naalakkersuisut akuersisuuppata.

-Sinerissap qanittuani assagiarsunniartartut amerlanertigut pullatitik qaqikkaangamikkit aalaakkaasumik 12 kilut missaannik pisaqartarput. Biologilli misileraallutik ningitsigaangamik 3 –4 kiilut missannaanik pisaqartarput. Arlaani equngasoqarami, taamaattumik siunnersuutigilersaarparput, assagiarsoqarneranik biolog –it misileraaleraangamik sumiiffinni ilisimasalinnik ilalerlutik misileraasaqqullugit. Sumiiffinni assagiarsoqarneranik assigiinngitsunik nalilersuisoqartarnera ajornartorsiutaavoq. tamanna qaangertariaqarlerparput, Peter Olsen oqarpoq.

KNAPK –p qinnuteqaataa Nalakkersuisut aqagu oqaluuserissaneraat Namminersornerullutik Oqartussanut paasiniaraluaratsigu akissutaat ullo´qeqqanut angumersinngitsoorpoq.