Sisimiuni Upernavimmilu saattuarniartoqaqqissinnaanngorpoq
Saattuartassat tamakkerneqarsimanngimmata aalisarneq nangeqqissinnaasoq Kalaallit Nunaanni Aalisarsinnaanermut Akuersissutinik Nakkutilliisoqarfiup nalunaarutigaa.
Allattoq Ane-Marie Petersen
Upernaviup Sisimiullu eqqaani saattuarniarneq unittoq Kalaallit Nunaanni Aalisarsinnaanermut Akuersissutinik Nakkutilliisoqarfik ataasinngormat nalunaarutigigaluarpaat.
Saattuartassat tamakkerneqarsimanngimmata aalisarneq nangeqqinneqarsinnaasoq Kalaallit Nunaanni Aalisarsinnaanermut Akuersissutinik Nakkutilliisoqarfiup nalunaarutigaa.
Sisimiuni pisassiissutit 94 procentii aalisarneqarsimapput Upernavimmi 95 procentit.
Ullunilu tullerni saattuarniartoqaqqissinnaalerpoq, pisassiissutillu sipporlugit aalisarneqannginnissaat anguniarlugu ullormut pisat kingusinnerpaamik ullaakkut qulinut nalunaarutigineqartassapput.