Angutip 60-nik ukiullip arfininngornermi aggustip ulluisa aqqarnganni ullaassakkut assut perululluni napparsimmavimmut unitsittariaqarsimasup, saassussisorisimasinnaasai, suli nassaarineqanngitsut, Qaqortumi politiit pisortarigallagaat, Mikael Kofoed, ilisimatitsivoq.
-Angut 60-inik ukiulik kikkuugaluarnersunit taamani saassunneqarsimagunarluni niaqqumigut isimmitsarneqarsimarpasilluni ilisimanngitsoq napparsimmavimmut unitsinneqarpoq, Mikael Kofoed oqaluttuarpoq.
- Angut Nipinngaap tasiata eqqaani ullaassakkut pingasut sisamallu akornanni nassaarineqarpoq.
Pissusilersorsimaneq piffissarlu eqqarsaatigalugit, inuusuttut saassussisimassasut ilimagaarput.
Taamaattumik takunnissimasinnaasunit saaffigeqqugaluarpugut, Qaqortumi politiit pisortarigallagaat oqarpoq.
Ilanngullugu ilisimatitsissutigaa angut 60-inik ukioqartoq napparsimmavimmit angerlareersoq.