Saassussinermik takunnissimasinnaasunik ujaasipput
Nuummi politiit tallimanngormat inummik saassussinermik takunnissimasinnaasunik ujaasipput. Angut Oles Varehusip Maximut-illu akornatigoortilluni tallimanngormat aggustip ulluisa 15-ianni unnukkut qulingiluat missaanni angutinit inuusuttunit pingasunit saassunneqarpoq.
Allattoq Louise M. Kleemann
Angummik 50-it missaannik ukiulimmik saassussisut tassaanerarneqarput:
A: 20-t missaannik ukiulik naatsunik tikkortunik nujalik 170 centimeterisut angissusilik, taartumik kavaajalik taartunillu qarlilik.
B: 20-t missannik ukiulik naatsunik tikkortunik nujalik 170 centimeterinit anginerusoq qaamasumillu kavaajalik.
C: 20-t missaannik ukiulik naatsunik tikkortunik nukalik 170 centimeterit missaannik angissusilik.