Saassussinerit uniffiginagit qinersiartukaapput

Naak arlaleriarluni saassussisoqarneratigut 38-t toqutaagaluartut 100-llu sinneqartut ikiligaagaluartut, Irakimiorpassuit inatsisartunut ilaasortassaminnik ullumi qinersiartukaapput.
Allattoq Elisa Isaksen
marsip 07-at 2010 16:57

Qinersiviit maani nalunaaqutarput najoqqutaralugu aqqanernut matummata, qinersiartortoqarluarnerarlugu, Irakimi qinersinermut ataatsimiititaliap nalunaarutigaa. Inatsisartuni ilaasortanngortussanut 325-usunut ilaasortanngorniullutik qinigassanngortittut 6300-ngajannik amerlassuseqarput.

USA-mit neriuutigineqarpoq, qinersisoqarneratigut Irakimi inuinnaat naalakkersueqataanerat nukittorsarneqassasoq, taamalu Amerikamiut sakkutuuisa angerlarartinneqarnissaat aqqutissiuunneqarluni, soorlu tamanna præsident Barack Obamap neriorsuutigereeraa.

Inatsisartunut qinersinerup inernerigallagai, pingasunngorpat sisamanngorpalluunniit qinersinermut ataatsimiititaliamit saqqummiunneqarsinnaassasut oqaatigineqarpoq, tassa qinersiviit pingajorarterutaasa kisinneqareernerisigut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq