Ammip qalipaataa tunngavigalugu kalaallinik Danmarkimi Gellerupimiittunik saassussisoqarsimaneraalluni, aviisi Århus Stiftstidende allaaserinnereersorlu, kalaallit silamut aninissamulluunniit ernumassutissaqanngitsut, Århusimi kalaallit illuat nalunaaruteqarpoq. Saassussinerit ammip qalipaataa tunngavigalugu saassussinerunngillat, Århusimi kalaallit illuani isumaginninnermut siunnersorti oqarpoq.
- Kalaaliunertik pissutigalugu taamannak pineqarneq ajorput, kisiannili aningaasaateqartut mobiltelefoneqartutullu, Århusiimi kalaallit illuani isumaginninnermut siunnersorti Simon Lynge, taama oqarpoq.
- Århus Stiftstidende-mi ilanngutassiaq assut tupassutigaara, kinaassusersiornertut allanneqarmat, Simon Lynge oqarpoq.
Aviisip Århus Stiftstidende-p kisitsisit pigisai naapertorlugit kalaallit Århusimiittut 1000-it missaanniipput.