Pinngortitaleriffik Saarullinnut meqqiliussat ujartorneqartut
Saarullinnut meqqit qaammataasakkut nassiussisartut saarullinnut angisuunut uumassusilerisuunit ikkussorneqarsimasut puttallattaalernissaat, Nuup Kangerluani saarullinniartut sapaatip akunnerani aggersumi eqqumaffigilaassavaat.
Allattoq Karsten Sommer
oktobarip 14-at 2018 14:58
Nutserisoq Jaaku Lyberth
Qaammataasakkut nassiussisartut oktobarip ulluisa 15-ianni kaanngartussanngorlugit aaqqitaapput.
Meqqit saarullinnit sapaatip akunnerata tulliani kaanngarunik kangerlummi puttarusaalernissaat naatsorsuutigineqarpoq.
Meqqi ataaseq ningittagarsortumit apuunneqareerpoq, saarullik meqqillik pisarimmagu.
Saarullinnut meqqit paasissutissanik pingaaruteqartunik imaqarput, taakkualu uumassussilerisut siunnersuisarnerannut iluaqutaassallutik.
Meqqi ataaseq tunniunneqartoq 500 koruuninik akissarsissuttaasinnaavoq - taavalu meqqi saarullittaalu ilanngullugu tunniukkaanni 1.000 koruuninik akissarsissutaasinnaalluni.
Saarullit ukiuni kingullerni 100-ni meqqilersorneqartarput.
Kalaallit Nunaanni aatsaavissuaq saarulliit taamaattunik meqqilersorneqarput.
