Saarullinniarneq unitsinneqarpoq
- Aalisartorpassuit eqqorneqassapput. Akiligassatik akilersinnaassanngilaat, nerisassaminnullu akissaarutissallutik, KNAPK-mi siulittaasoq Leif Fontaine Atuagagdliutinut oqarpoq.
Nunaqarfinni aalisarnermik inuussutissarsiutillit umiatsiaararsortut saarulliniarnerup unitsinneqarneranit pingaarnertut eqqugaassapput.
- Ilulissani aamma Upernavimmi taamaallaat qaleralinnik tunisisoqarsinnaalerpoq. Naallu aalisartut ilaat aalisariarumasinnaagaluartut, pisassinneqarnissamut akuersissummik imaaliallaannaq pissarsisoqarsinnaanngilaq, Leif Fontain oqarpoq.
Saarullinniarnerup ukiumi minnerpaamik ataatsimi unitsinneqarluinnarnissaa biologinit innersuussutigineqartoq, KNAPK-mit isumaqatigineqanngilaq.
- Saarullippassuaqarpoq, pisassallu amerlineqarsinnaasut qularutiginngilara, Leif Fonain Atuagagdliutinut oqarpoq.
