Saarulliit malunnartumik amerleriarput

Saarullinnik tunisineq 2006-imi ukiup affaani siullermi malunnartumik annertuseriarsimavoq, qaleralinnik raajanillu tunisineq allannguuteqanngitsoq. Kalaallit Nunaanni Naatsorsueqqissaartarfiup kisitsisaataani kingullerni, tamanut maanna saqqummiunneqartuni, tamanna erserpoq. Saarulliit 3.599 tonsit 2006-ip ukiuata affaani tunineqarsimapput, ukiumut siulianut, 2005-imut sanilliullugu qaffariaat 60 procentiulluni. Qaleralinnik tunisassiorneq piffissami tassani taamaaginnarsimavoq, tassa ukiup 2006-ip affaani siullermi 11.642 tonsit tunineqarsimapput, qaffariaat 5 procentiulluni. Raajanik 2006-imi qaammatini arfinilinni tunisineq ukiumut siulianut naleqqiullugu taamaaginnarpoq, appariaat 4 procentiulluni. Appariarnerli taanna kilisaatit 2006-imi upernaakkut assersuinerannit peqquteqarpoq. Kisitsisit saqqummiutavut Kalaallit Nunaanni Naatsorsueqqissaartarfiup nittartagaani ”2006-imi ukiup affaani siullermi Aalisarneq Piniarnerlu”-mi saqqummersitaapput.