Saarullernartassat ikilivaat
Savalimmiormiut Ruslandilu aalisarnermut nutaamik isumaqatigiissusiorput.
Isumaqatigiissusiami russit Savalimmiut imartaanni saarullernartassaat 20.000 tonsinik ikilineqarput, tassa 140.000 tonsiniit 120.000 tonsinut. Taakkua saniatigut russit Savalimmiut imartaanni makrelertassaat nikisinneqaratik 8.700 tonsiuinnassapput.
Isumaqatigiissusiaq naapertorlugu savalimmiormiut russit imartaanni saarullittassaat 700 tonsinik ikilineqarput, tassa 11.000 tonsiniit 10.300 tonsinut, aappaatigulli saniatigut pisarisinnaasaat 5 procentiniit 10 procentinut qaffanneqarput.
Saarullernat ikilivallaannginniassammata, ukiut kingulliit marluk ingerlanerini, savalimmiormiut imartaminni pisassat 40 procentinik annikillivaat.
Aalisarneq pillugu isumaqatigiissusiaq savalimmiormiut kilisaataataannut suliffissualinnut iluaqutaassaaq.