Saaniluit New Yorkimi mitsitsinaveeraluarput
New Yorkimi saaniluppassuit ikinnerpaaamik 78-it kangerlunnguami mittarfiup ungasinngisaaniittumi najugallit JFK-p mittarfiani mittarfikkoortut timmisartunik ippassaq missinnaajunnaartitsigaluaqaat, taama The Guardian allaaserinnippoq.
Allattoq Najaaraq Egede
Mittarfeqarfimmi sulisut nalunaaquttap akunnerata affaa sinnerlugu saanilunnik piiaareermata, timmisartut aatsaat missinnaanngoqqissimapput - aallartussat tikittussallu ilaat nalunaaquttat akunnerini marlungajanni utaqqisinneqartariaqarsimallutik.
Saaniluinngooq masarsummut najukkaminnut ajoratik utertinneqarput. Tassanilugooq nuliuffiup naligigunarmagu nuliunertik nangissagaat, Jim Peters, New Yorkip mittarfeqarfiani oqaaseqartitaq oqarpoq.