Saamit ullumi ullorsiorput
Ullumikkut ulloq - sapaat februaarip arfernat - tassaavoq Saamit inuiattut ulluat.
Allattoq Elisa Isaksen
Inuiattut ullorsiorneq Saamit tamarmiullutik Norgimi, Finlandimi, Sverigimi aamma Ruslandimi nalliussisarpaat, Saamillu Trondhjemimi 1917-imi ullormi tassani katersuuteqqaarnerat eqqaaniarneqartarluni.
Ulloq malunnartinniarlugu Skandinaviap avannaani Saameqarfinni naalagiaqatigiittoqarlunilu katersuuttoqartarpoq.
Minnerunngitsumik Saamit mamartuliaat assigiinngitsut nerineqartarput - pingaartumik tuttup neqaa igaannagaq aammillu pølsiliat, Norgip radiuata nittartagaani nrk.no-mi taama allaaserinnittoqarpoq.
Saamit inuiattut ullorsiorluarnissaannik kissaappavut.