Søren Espersenip namminersorneq pillugu inatsit isornartorsiorpaa
Inuiaat kalaallit kikkorpiaappat? Inuiaat akornanni pisinnaatitaaffiit inatsisilluunnit sorliit innuttaasut Kalaallit Nunaannik piginnittussaatippai?
Naalagaaaffeqatigiinni suliamut pitsaassusissatut aalajangiussat Kalaallit Nunaata naammassisinnaanngikkai, Folketingi danskilluunnit naalakkersuisui isumaqarpata, taava akisussaaffeqarfiit Kalaallit Nunaannut tunniunneqarsimasut ilaat Danmarkip tigoqqissinnaavai?
Namminersorneq pillugu inatsit atuaruk
Dansk Folkepartip Nunarput pillugu oqaaseqartartuata, Søren Espersenip danskit inatsiseqarneq pillugu ministeriannut, Søren Pindimut apeqqutaasa qulingiluat ilai taama nipeqarput.
Espersenip apeqquteqarnermigut Namminersorneq pillugu inatsimmi oqaasertalersorneri isorinnittumik iseqarluni misissuataarusuppai, isumaqarami ilai ersarluttuusut.
- Ilisarisimasakka Kalaallit Nunanni najugaqartut arlallit peqatigalugit piffissami sivisuumi kissaatigaarput, Namminersorneq pillugu inatsimmiittut arlallit itisilerneqassasut, ersarluttoqartoq isumaqaratta, Søren Espersen KNR-imut oqarpoq.
Søren Espersen apeqquteqaatai atuakkit
Namminersorneq pillugu inatsit Folketingimi 2008-mi taasissutigineqarmat, Dansk Folkeparti akerliulluni taasivoq.
