Nipitsat suaannik tunisineq ammalersoq
Qeqertarsuatsiaaniit avannamut kitaata sinnerani illoqarfinni nunaqarfinnilu suannik tunisineq ataasinngorpat apriilip 13-ianni ammassaaq.
Nipitsat suaat pisassiissutigineqartut katillugit 1500 tonsiupput, aqutsiveqarfinnullu arfinilinnut agguataarneqarsimallutik. Pisassiissutaasut Naalakkersuisunit, KNAPK-mit sinerissamilu aalisartut sinniisaanniit peqatigiilluni aalajangersarneqarsimapput.
- Annilaarnartutut tigunngilarput, ukiuni sisamani kingullerni tunineqartartut agguaqatigiisillugit pisassiineq inissinneqarpoq, aalisartut piniartullu peqatigiiffiani pisortap tullia, Tønnes Berthelsen KNR-mut taama oqarpoq.
Aamma atuaruk Aalisakkat amerlanerusut MSC-mik nalunaaqutsigaanissaat kalaallit kissaatigaat
Ukiormanna suanniarneq aqutsiveqarfinnut agguataarlugit immikkullu tamarmik pisassillugit, ullunilu 47-ni sivisunerpaamik aalisartoqarnissaa Naalakkersuisut aalajangerpaat. Nipitsat suanniarnerup aqunneranut pilersaarut naapertorlugu aaqqitaavoq, aqutsinermut pilersaarut Naalakkersuisunit 2014-imi akuerineqarpoq.
Nipitsat suanniarneq unitsinneqartassaaq pisassiissutigineqartut nungukkaangata, ullulluunniit 47-it nallerneqaraangata.
Paamiuniit kujammut maajip 26-anni kingullermik tunisisoqassaaq. Qeqertarsuatsiaaniit Kangaamiunut nipitsat suanniat tallimanngornermi maajip 29-anni tunisisinnaapput. Kujataani nipitsat suanniartut pisassiissutit tamakkinngippatigik, pisassiissutit sinneruttut aqutsiveqarfiit sinnerinut nuunneqarnissaat periarfissaavoq.
Læs også Grønlænderne vil have flere fisk MSC-certificeret
Naalakkersuisut har besluttet at fiskeriet efter stenbiderrogn skal være inddelt i forvaltningsområder med en maksimal fiskeriperiode på 47 dage og en særskilt kvote i de enkelte områder. Fiskeriet sker i overensstemmelse med forvaltningsplanen for stenbiderfiskeriet, som blev vedtaget af Naalakkersuisut i 2014.
Fiskeriet indstilles, enten når kvoten er opfisket, eller senest når de 47 dage er gået.
Den sidste indhandlingsdag for forvaltningsområderne fra Paamiut og sydover er den 26.maj. Og fra bygderne i Qeqertarsuatsiaat til Kangaamiut i nord er sidste indhandlingsdato den 29. maj. Hvis fiskerne sydpå ikke kan fiske hele deres kvote op, er der mulighed for at flytte de resterende kvoter til de øvrige forvaltningsområder.