Røde kors nunatsinni katersititsilluarpoq
- Nuannerluinnarpoq piumassuseq taama angitigimmat, naak isernermut akiliut 20 koruuniinnaagaluartoq inuppassuit 100-t 200 koruuneerumasimapput, tulluusimaaqisoq nunatsinni røde korsip siulittaasua Åse Nygård oqarpoq.
Taanna aamma oqaluttuarpoq aningaaserivup ippassaq matunerani katillugit nuatsinni katersorneqarsimasut 1 milliuuni 830.000-t katersorneqarsimasut. Røde Korsimi sulineq nunatsinni paasineqaleriartorsimavoq, immikkoortortaqarfinnik aallarnisaanissaq periarfissaqalernerarpaa.
Asiamilu ajunaarnersuarmut katersineq qanilaarnermik pissuteqarnerarpaa, kalaalerpassuit qallunaarpassuillu Thailandi nuna ilisimasaqarfigaat feriarfissuummallu.
Nunatsinnit ajunaarnersuarmut tuniserusuttut aqqissuerusuttullu amerlalluinnarnerarpai illoqarfinnit nunaqarfinniillu siarnguttoqartarsimaqaaq, ilimagaalu røde korsimi ikiuerusuttut piumassutsiminnillu ikiukkusuttut aamma amerliartornerarlugit.
