Røde Kors Børnehjemmi ikuallattoq
Sisamanngormat ualikkut Røde Kors Børnehjemmimi ikuallattoqartoq nalunaarutigineqarmat qatserisartut politiit napparsimasunillu angallassisartut ikiuiartorasuarput. Ikuallanneq politiinut nal.15.48 nalunaarutigineqarpoq.
- Niviarsiaraq 12-inik ukiulik siniffimmik ikuallatsitsisimavoq ineerarlu paatersimalluni, Nuuk Politiivini politikommissæri Niels Nyvang taama oqarpoq.
Niviarsiaraq ukiukitsuummat 18-it ataallugit ukioqarluni siniffimmik ikuallatsitsinermut tunngatillugu unnerluutigineqarsinnaanngilaq.
- Eqqissisimasumik oqaloqatigineqarpoq. Unnerluunneqarsinnaanngilaq 12-nnarnik ukioqarnera pissutigalugu. Inunnik isumaginnittoqarfimmut pisoq nalunaarutigineqassaaq, taakkualu suliaq ingerlateqqissavaat, politikommissæri Niels Nyvang oqarpoq.
Ikuallattoqarnerani inunnik ajoqusertoqanngilaq.