Ruumami akerliussutsimik takutitsisoqarniarpoq
Anguteqatiminnik arnaqatiminnillu ilaqartartorpassuit sisamanngorpat akerliussutsimik takutitsinissaat naatsorsuutigineqarpoq, anguteqatiminoortartut arnaqatiminoortartullu akerliussutsimik takutitsinissaat pisussatut ilimagineqalerpoq Italiami Ruumamiittumi ruumamiut isiginnaartitsisarfitoqarsuanni anguteqatiminnoortartut marluk sap. akunnerani kingullermi sisamanngornermi ”ileqqorluttuliortutut pissusilersoqatigeereersullu”.
Nutaarsiassaqartitsivik Ritzau taama allappoq.
Akerliussutsimik takutitsisoqarnissaani pissusilersuutaasussat tassaapput anguteqatiminnik arnaqatiminnillu atoqateqartartorpassuit kunissuussuaarnissaat.
- Inuit 100-likkuutaat takkussuunnissaat ilimagaarput, anguteqatiminnik arnaqatiminnillu atoqateqartartut oqaaseqartartuat Arcigayikkunneersoq taama oqarpoq.
Angutit taakkua marluk sisamanngormat naalanngitsu-liortutut tigusaasut nalunaaquttap akunnerini arlalialunni tigummineqarsimapput, maannakkullu unnerluutigineqarput ”ileqqorluttuliortutut pissusilersorsimasutut” – taamatut unnerluussineq sivisunerpaamik ukiunik marlunnik parnaarussaanermik kinguneqarsinnaasarpoq.
Angutit ileqqorluttuliorneragaasut oqarput kunissuutiinnarsimallutik, politiilli oqarput kunissuunnerinnaanngitsumik pissusilersorsimasut.
Aqqusineq tigusaaffigisaat, anguteqatiminnoortartut arnaqatiminnoortartullu najugannaaraat.
