Ruth: RG-p Europami ingerlatai pillugit nalunaaruteqaritsi

Naalakkersuisut maanna qinnuigineqarput Namminersornerullutik Oqartussat suliffeqarfiutaata Royal Greenlandip Polenimi aalisakkanut suliffissuaataata qanoq ingerlaneranik nalunaaruteqaqqullugit.

Apeqquteqartoq tassaavoq Ruth Heilmann, Siumut. Ruth Heilmann, naalakkersuisunut ilaasortaq Siverth K. Heilmann peqatigalugu ukiup ataatsip matuma siornagut suliffeqarfissuup Tysklandimi, Polenimi Danmarkimilu ingerlatai paasisassarsiorfigalugit angalaqataavoq. Aamma tassani angalanermi naalakkersuisut siulittaasuat Hans Enoksen, naalakkersuisunut ilaasortat Finn Karlsen aamma Josef Motzfeldt akerliullutik angerlaannarput. Tassa taamanikkut aalisartumit paasitinneqaramik Royal Greenlandip suliffissuani ukiuunerani matuniarai.

Ruth Heilmannip paaserusuppaa niuerfinni toqqarneqartuni ingerlaavartumik pilersuisussatut piumaneqarnerulernissamik aamma nerisassiat imaaneersut piumaneqarnerulernissaaannut pilersaarutit qanoq ingerlanersut aamma ingerlatat suliffeqarfissuarmut inuiaqatigiinnullu kalaallinut iluaqutaalersimanersut.