Ruslandimi skåleeraanni una oqaasinnaajugaluarpoq: - "Vodkap kikkut tamaasa russinngortissinnaavai!" Immiaaqqat, viinnit - pingaarnertullu tassa vodka - russit aamma imigannaaraat.
Pisortatigoortumik nalunaarutini kisitsisit takutippaat, russit arfineq-pingasut imigassamik kimittuumik ingasaassillutik nalunaaquttap akunneri tamaasa toqusartut, 75.000-illu sinnerlugit ukiumut toqusartut. Tamanna Danmarkip Radioata nittartagaani atuarneqarsinnaavoq.
St. Petersborgimi innuttaasut tamarmik immikkut imigassaq kimittooq, soorlu vodka, 18 literip missaa ukiumut imertaraat kisitsisit takutippaat.
Timersortartut sunngiffimmilu ornittakkani sulisut vodkatornissaat aamma inerteqqutaalerpoq, Vladimir Putinillu Ruslandimi peqqinnissaqarfik peqquvaa nuna tamakkerlugu paasititsiniaanissamut 60 millionit koruunit missaat atussagai.