Russit uppernarsaatissanik katersilerput
Ruslandip Issittumi immap naqqanik piginnittuunerminik piumasaqaataanut uppernarsaatissanik nassaarnissaq siunertarineqarpoq.
Umiarsuaq angallatigisaat ulluni 85-ini Issittumiissasoq pilersaarutaavoq.
Russit oqaatigaat, Issittup imartaani maannamut oqaatigineqartaraluartunit 1,2 millionit kvadratkilometerinik annertunerusumik oqartussaaffeqarlutik - matumani Qalasersuaq ilanngullugu - tamannaavorlumi russit uppernarsaaniarnerminni suliariniagaat.
- Tamanna oqaluttuarisaanermut pingaaruteqalersussaavoq, russit præsidentiata issittumut tunngasuni siunnersortaa Artur Chilingarov, umiarsuup ilisimasassarsiortussap aallarneranut atatillugu, taama oqarsimanerarlugu, aviisimi The Barents Observerimi allaaserineqarpoq.
Taassuma aamma oqaatigaa Ruslandip piumasaqaatini nutaat Naalagaaffiit Peqatigiinnut aappaagu saqqummiunniarai.