Russit unioqqutitsillutik kilisattut paasineqartut
Russit kilisaataataat marluk savalimmiut avataani unioqqutitsillutik kilisattut paasineqarput, savalimmiuni politiit nalunaarput.
Allattoq Louise M. Kleemann
Kilisaatip naalagai savalimmiut imartaani kilisassimaneragaanertik ilumuunnginnerarpaat. Nunat tamat aalisarfigisinnaasaanni aalisarsimanerarput, namminerlu oqarput kilisaffigisartik Danmarkip inatsitigut tunngavissaqanngitsumik naalagaaffiup iluaniinerarsimagaat, kilisaatit naalagaat aviisimut Ria Novostimut oqarput.
Kilisaatit naalagaat unioqqutitsimasutut pasineqarnertik akueriumanngilaat politiinnillu tigusarineqarnertik naammagittaaliutigalugu.
Kilisaatit naalagaasa killisiorneqarnerat suli ingerlanneqarpoq, kilisaatillu politiinit suli nakkutigineqarput, aalajangiisoqarnissap tungaanut.